వాడివో కంటిరటరే
రాగం : హిందోళం , తాళం : ఆది(తిశ్రగతి)
స్వర రచన : శ్రీ వేదవ్యాస ఆనంద భట్టార్ గారు
గానం : శ్రీమతి మొక్కరాల కామేశ్వరిగారు
( అన్నమయ్య సంకీర్తనలు )
Audio
పల్లవి :
వాడివో కంటిరటరే వన్నెలవాడు
పైడి మోలము కటారు పరుజులవాడు
వాడివో...వాడివో….
వాడివో కంటిరటరే వన్నెలవాడు
చరణం :
పెద్దకిరీటమువాడు పీతాంబరమువాడు
వొద్దిక కౌస్తుభమణి ఉరమువాడు
ముద్దుల మొగమువాడు ముత్తేల నామమువాడు
అద్దిగో శంఖచక్రాల హస్తాలవాడు
…..వాడివో…వాడివో…వాడివో కంటిరటరే వన్నెలవాడు….
అందిన కటిహస్తము అభయ హస్తమువాడు
అందెల గజ్జెల పాదాలమరువాడు
కుందణంపు యీ మకర కుండలంబులవాడు
కందువ బాహుపురుల కడియాలవాడు
…...వాడివో….వాడివో…వాడివో కంటిరటరే వన్నెలవాడు…..
నగవు చూపులవాడు నాభికమలమువాడు
మొగపుల మొలనూళ్ళ మొలవాడు
చిగురు మోవివాడు శ్రీవేంకటేశుడు
తగు నలమేల్మంగ తాళి మెడవాడు
,.,.వాడివో…..వాడివో.…..వాడివో కంటిరటరే వన్నెలవాడు
పైడి మోలము కటారు పరుజులవాడు
వాడివో...వాడివో….
