సీమంతము పాట

సుదతులందరు
సీమంతము పాట

            Audio

సుదతులందరు గూడి సిరులొలుకు శ్రీలక్ష్మి సీమంతమునకు రారండి...2

శ్రీరామచంద్రుని గుణగణములు కల్గి

ఆ రామ భక్తుని బలము తేజము కల్గి

బృహస్పతిని మించి బుద్ది బలముకల్గి

చిరంజీవు కనమని సంతసము

దీవించా

సుదతులందరు గూడి సిరులొలుకు శ్రీలక్ష్మి సీమంతమ్మునకు రారండి

ముగ్గురమ్మల శక్తి మూలముగా కల్గి

ఇరు వంశములకు మణిగా వెల్గి

విజయలక్ష్మిగా ఘనత వహించి

తల్లిగా మారే తనయని కనమని సుదతులందరు గూడి సిరులొలుకు శ్రీలక్ష్మి సీమంతమ్మునకు రారండి

ఏడుకొండలవాడి కొండంత అండతో

పండులాంటి బిడ్డను కనమని దీవించ

మంగళాంగులు మంగళమని పాడ

మంగళగౌరి సుమంగళిగా దీవించ

సుదతులందరు గూడి సిరులొలుకు శ్రీలక్ష్మి సీమంతమ్మునకు రారండి

సీమంతమ్మునకు రారండి

సీమంతమ్మునకు రారండి