Antayu neve hari pundarikasha అంతయు నీవే హరిపుండరీకాక్ష

అంతయు నీవే హరి పుండరీకాక్ష

గానం : శ్రీమతి మొక్కరాల కామేశ్వరీగారు

Audio

అంతయు నీవే హరి పుండరీ కాక్ష

చెంత నాకు నీవే శ్రీ రఘురామా

కులమును నీవే గోవిందుడా నా

కలమియు నీవే కరుణానిధి

తలపును నీవే ధరణీధరా నా

నెలవును నీవే నీరజనాభా..

తనవును నీవే దామోదరా నా

మనికియు నీవే మధుసూదనా

వినికియు నీవే విట్టలుడా నా

వెనక ముందు నీవే విష్ణుదేవుడా

పుట్టుగు నీవే పురుషోత్తమా కొన

నట్ట నడుము నీవే నారాయణా

యిట్టె శ్రీవెంకటేశ్వరుడా నాకు

నెట్టన గతి యింక నీవే నీవే