ఈతడే ముక్తిదోవ eetade muktidova

ఈతడే ముక్తిదోవ

అన్నమయ్య సంకీర్తన

రాగం : గంభీరనాట , తాళం : ఆది(తిశ్రగతి)

గానం,స్వర రచన : సత్తిరాజు వేణుమాధవ్ గారు

Audio

పల్లవి :

ఈతడే ముక్తిదోవ యీతడే మా ఆచార్యుడు

ఈతడు గలుగబట్టి ఇందరు బతికిరి

ఈతడే ముక్తిదోవ యీతడే మా ఆచార్యుడు….

చరణం :

అదివో తాళ్ళపాక అన్నమాచార్యులు

యిదెవీడె శ్రీవేంకటేశు నెదుట

వెదబట్టి లోకములో వేదములన్నియు మంచి

పదములు చేసి పాడి పావనము సేసెను

..ఈతడే….

అలరుచు తాళ్ళపాక అన్నమాచార్యులు

నిలిచి శ్రీవేంకటనిధియే తానై

కలిదోషములు వాప ఘనపురాణములెల్ల

పలుకుల నించి నించి పాడినాడు హరిని

….ఈతడే…..

అంగవించె తాళ్ళపాక అన్నమాచార్యులు

బంగారు శ్రీవేంకటేశు పాదములందు

రంగుమీర శ్రీవేంకటరమణుని యలమేలు

మంగను యిద్దరి బాడి మమ్ము కరుణించెను

….ఈతడే ముక్తిదోవ యీతడే మా ఆచార్యుడు

ఈతడు గలుగబట్టి ఇందరు బతికిరి

ఈతడే ముక్తిదోవ యీతడే మా ఆచార్యుడు….