ఆహా ఏమి సొగసు ఈ సీతది

 ఏమి సొగసు ఈ సీతది

రచన: శ్రీమతి సరోజనీ శాస్త్రీగారు

తాళం :ఆదితాళం, 

రాగం: హమీర్ కళ్యాణి

గానం:శ్రీమతి మొక్కరాల కామేశ్వరిగారు

Audio

పల్లవి : ఆహా….

ఏమి సొగసు ఈ సీతది ఎంతటి సౌకుమార్యమీ సుదతిది

చరణం:

కలువరేకుల వంటి కన్నులతో 

సంపెంగ సుమము బోలు నాసికతో

బింబఫలము వంటి అధరమ్ములతో

 తళ తళమను దంతకాంతులతో

….ఏమి సొగసు ఈ సీతది…

విశాల ఫాల భాగముపై తుమ్మెద గుంపుల వోలె ముంగురులు ముసరగా 

శంఖముల వంటి కర్ణేంద్రియముల కర్ణాభరణములు శోభిల్లగా

...ఏమి సొగసు ఈ సీతది…

అందమగు హస్తముల గాజుల ధ్వనితో 

కటిఘటిత మేఖల మువ్వల సవ్వడితో

కరకంకణముల అందెల రవళుల 

అందాల భరిణ తన హంస నడకతో

….ఏమి సొగసు ఈ సీతది

ఎంతటి సౌకుమార్యమీ సుదతిది

ఆహా... ఏమి సొగసు ఈ సీతది…

Hari itandu...హరి ఇతండు

 హరి ఇతండు

             రచన - తాళ్ళపాక అన్నమాచార్యులు

             రాగం - శుద్ధధన్యాసి, తాళం -ఏకతాళం

              గానం - శ్రీమతి మొక్కరాల కామేశ్వరి గారు

Audio

॥ప॥  హరి ఇతండు హరుడతండు

                ఆకారమొక్కటే

          హరిహరులందున అధికులెవ్వరు లేరు

                   అధికులెవ్వరు లేరు

॥చ॥  మెరికురులితనికి మరుజడలతనికీ 

          ఉరగ పరపితనికి ఉరగములతనికీ

          విరికన్నులితనికి చిచ్ఛరకన్నతనికీ

          గరుడుడితనికి ఘనవృషభమతనికీ

                                                 (హరి ఇతండు) 

॥చ॥  శ్రీతరుణి ఇతనికీ శ్రీగౌరి అతనికీ

          భూతలంబితనికీ శీతనగమతనికీ

          జాతిమణులితనికీ విషమణులతనికీ

          రీతిగంధమితనికి భూతిపూతలతనికీ

                                              (హరి ఇతండు)

॥చ॥  కరిభయహరుడితడు కరిముఖుని          

              గురుడతడు

         నరసింహుడితడు అర్ధనారీశ్వరుండతడు

         మురవైరి ఈతడు పురహరుడతడు

         పరగ శ్రీవేంకటశైలపతి ఈతడే అతడు

                                           (హరి ఇతండు)