అన్ని మంత్రములు

అన్ని మంత్రములు
Audio

అన్ని మంత్రములు ఇందే ఆవహించెను

వెన్నతో నాకు కలిగే వేంకటేశు మంత్రము

నారదుడు జపియించే నారాయణ మంత్రము

చేరే ప్రహ్లదుడు నారసింహ మంత్రము

కోరి విభీషణుడు చేకొనే రామ మంత్రము

వేరే నాకు కలిగే వేంకటేశు మంత్రము

రంగగు వాసుదేవ మంత్రము ధ్రువుడు జపియించె

అంగవించె క్రిష్ణ మంత్రము అర్జనుడును

ముంగిట విష్ణు మంత్రము మొగి శుకుడు పఠించె

వింగడమై నాకు నబ్బె వేంకటేశు మంత్రము

ఇన్ని మంత్రముల కెల్ల ఇందిరా నాథుడే గురి

పన్నిన దిదియే పరబ్రహ్మ మంత్రము

నన్ను కావ గలిగెపో నాకు గురుడియ్యగాను

వెన్నెల వంటిది శ్ర్రీ వేంకటేశు మంత్రము