అంజనీ దేవి కొడుకు హనుమంతుడు
భైరవి రాగం ,ఆదితాళం
గానం: మొక్కరాల కామేశ్వరీగారు
పల్లవి :
అంజనీ దేవి కొడుకు హనుమంతుడు
సంజీవిని తెచ్చినాడు సారె హనుమంతుడు
చరణం :
కలశాపురము కాడ కదళీవనాల నీడ
అలనాడె వున్నవాడు హనుమంతుడు
అలరు కొండల కోనల అందలి గుహలలోన
కొలువు సేయించుకొని కోరి హనుమంతుడు
పసలుగా జంగవెట్టి పండ్లగుత్తి చేతబట్టి
అసురులను వెళ్ళగొట్టి హనుమంతుడు
వసుధా ప్రతాపించి వడి తోక గదలించి
దిశలెల్లా పాలించి దివ్యహనుమంతుడు
వుద్దవిడి లంకచొచ్చి ఉంగరము సీతకిచ్చి
అదివో రాము మెప్పించి హనుమంతుడు
అద్దుక శ్రీవేంకటేశు కటుబంటై వరమిచ్చి
కొద్దిమీర సంతోషాలే గుప్పి హనుమంతుడు
కామెంట్‌లు లేవు:
కామెంట్‌ను పోస్ట్ చేయండి