Piluvare krishuni పిలువరే క్రిష్ణుని

పిలువరే కృష్ణుని

Piluvare krishuni

దేవ గాంధర్వ రాగం, ఏకతాళం

గానం : మొక్కరాల కామేశ్వరీగారు

Audio

పిలువరే కృష్ణుని పేరుకొని యింతటాను

పొలసి ఆరగించే ప్రొద్దాయ నిపుడు

వెన్నలారగించబోయి వీధులలో దిరిగీనో

యెన్నరాని యమునలో యీదులాడీనో

సన్నల సాందీపనితో చదువగబోయినాడో

చిన్నవాడాకలి గొనె చెలులాల యిపుడు

మగువల కాగిళ్ల మరచి  నిద్దిరించీనో

సొగసి ఆవులగాచే చోట నున్నాడో

యెగువ నుట్లకెక్కి యింతులకు జిక్కినాడో

సగము వేడికూరలు చల్లనాయ నిపుడు

చెంది నెమల చుంగుల సింగారించుకొనీనో

ఇందునే దేవరవలె ఇంటనున్నాడో

అందపు శ్రీవేంకటేశుడు ఆడివచ్చె నిదె వీడె

విందుల మాపొత్తుకు వేళాయ నిపుడు