Sri ramachandruni sits lakshmi శ్రీరామచంద్రుని సీతాలక్ష్మీ

శ్రీరామచంద్రుని సీతాలక్ష్మీ

పెళ్ళి పాటలు, శ్రీరామదాసు నవరత్నాలు,అమ్మవారి పాటలు

కళ్యాణి రాగం , ఆదితాళం

గానం : శ్రీమతి మొక్కరాల కామేశ్వరిగారు

Audio

పల్లవి :

శ్రీరామచంద్రుని సీతాలక్ష్మీ కళ్యాణ వేడుక కనరండి...2

చరణం :

అంగనలందరూ ముంగిళ్ళలో

రంగు రంగవల్లికలు సింగారించగ

సిగ్గు దొంతరల చిరునగవు మెరయగ

బంగరు మండపము ధగ ధగలాడగా

…..రామచంద్రుని సీతాలక్ష్మీ కళ్యాణ వేడుక కనరండి…..

మంగళసూత్రము మగువకు అలంకరింప

భూసురోత్తములు ఆశీస్సులనొసగ

వధువరులిరువురి మస్తకంబులపై

ముత్యాల తలంబ్రాల జల్లులు కురియంగా..

….రామచంద్రుని సీతాలక్ష్మి

కళ్యాణ వేడుక కనరండి…..

మల్లెలు మొల్లలు సంపెంగ జాజుల

మాలలు గళమున శోభిల్లు చుండగా

మంగళాంగులు మంగళమని పాడ

మంగళగౌరి సుమంగళిగా దీవించ...

…..రామచంద్రుని సీతాలక్ష్మీ కళ్యాణ వేడుక కనరండి...2

కళ్యాణ వేడుక కనరండి...2