Nigama nigamanta varnita నిగమ నిగమాంత వర్ణిత

నిగమ నిగమాంత వర్ణిత

రచన : అన్నమాచార్యలవారు

స్వర రచన : ఆనందభట్టార్ గారు

రాగం : హిందోళం,తాళం : ఆదితాళం

గానం : శ్రీమతి మొక్కరాల కామేశ్వరిగారు

Audio

పల్లవి :

నిగమ నిగమాంత వర్ణిత మనోహర రూప

నగరాజధరుడ శ్రీనారయణా

నారాయణ...శ్రీమన్నారాయణా..2

చరణం :

దీపించు వైరాగ్య దివ్య సౌఖ్యం బీయ

నోపక కదా నన్ను నొడబరపుచు

పైపైనె సంసార బంధముల గట్టేవు

నాపలుకు చెల్లునా నారాయణా

చీకాకు పడిన నాచిత్తశాంతము సేయ

లేకకా నీవు బహులీల నన్ను

కాకుసేసెదవు బహుకర్మముల బడువారు

నాకొలదివారలా నారాయణా

వివిధ నిర్భంధముల వెడలద్రోయక నన్ను

భవసాగరముల తడబడ జేతువా

దివిజేంద్ర వంద్య శ్రీతిరువేంకటాధీశ

నవనీతచోర శ్రీనారాయణా