గోదాదేవి పాశురం-3

గోదాదేవి పాశురం-3

సంగీతం, గానం :యం యశోధరగారు

రచన : డా.పి యల్ యన్. ప్రసాదుగారు

ఆనందభైరవిరాగం

Audio

కలలు కనె కన్నె పిల్ల కళ్ళు తెరిచి చూడవే

కన్నయ్యను నిదుర లేపి మేలుకొనవే మానినీ

బుడి బుడి అడుగులు నడిచి వడుగే వచ్చి అడిగేనే

మూడడుగులు తానే కోరి ముల్లోకాలు నిండేనే

పాతాళమునకే బలినే పంపినా

పరిరక్షకుడై  నిలిచెనే

ఆ పొట్టివాని పట్టవే పాదాలకు మొక్కి నిదుర లేపరే

కలలు కనె కన్నె పిల్ల కళ్ళు తెరిచి చూడవే

కన్నయ్యను నిదుర లేపి మేలుకొనవే మానిని

భూమాత మురియగా పాలు చేలు పొంగగా

గోవుల సిరులన్నీ నిలువ కాత్యాయని కొలువవే

పిల్లా పాపలందరూ పల్లెల్లో చిందులేయగా

లోకాలకిదే సౌభాగ్యం

కన్నెలకిదే కళ్యాణ కారకం

కలలు కనె కన్నె పిల్ల కళ్ళు తెరిచి చూడవే

కన్నయ్యను నిదుర లేపి మేలుకొనవే మానినీ

కన్నయ్యను నిదుర లేపి మేలుకొనవే మానినీ

మేలుకొనవే మానినీ  మేలుకొనవే మానినీ