Ku u ku u kuyani kokila koosindi కూ..ఊ..కూ..ఊ..కూవూయని కోకిల కూసింది

కూ..ఊ..కూ..ఊ..కూవూయని కోకిల కూసింది

రచన : పి.యస్.గోపాల్

సంగీతం : పి.యస్.ప్రభాకర్ గారు గానం : మోచర్ల సుధావల్లి గారు

Audio

పల్లవి :

కూ..ఊ..కూ.ఊ...కూ..ఊయని కోయిల కూసింది

చిగురే పూవై,  పూవే పిందై కోర్కెలు నిండాలి

చిరకాలంగా ఎదలో కదిలే కలలే పండాలి కలలే పండాలి

కూ..ఊ..కూ.ఊ...కూ..ఊయని కోయిల కూసింది

చరణం :

వసంతకాలపు శుభసమయం లో వలపుల తేటులు పాడాయి

అనంత కాలపు ఆనందాన్ని ఆమనిగా అర్పించాయి.

కూ..ఊ..కూ.ఊ...కూ..ఊయని కోయిల కూసింది

కొమ్మలు రెమ్మలు కోటి పూలతో కొదమ తుమ్మెదను పిలిచాయి

ఝుమ్ము ఝుమ్మనుచు తుమ్మెద కొదములు ఇమ్ముగ గానం చేశాయి ఇమ్ముగ గానం చేశాయి

కూ..ఊ..కూ.ఊ...కూ..ఊయని కోయిల కూసింది

రమ్ము రమ్మనుచు పూల కన్నియలు రమణీయంగా పిలిచాయి

సన్నాయి పాటల సరాగ మాలల సొగసులనదే వర్షించాయి

కూ..ఊ..కూ.ఊ...కూ..ఊయని కోయిల కూసింది

సొగసుల చాటుల కన్నెపిల్లల కోరికలీరిక లెత్తాయి

చిలిపి చిలిపిగా పెదవుల నగవులు చిలకలనే మురిపించాయి

కూ..ఊ..కూ.ఊ...కూ..ఊయని కోయిల కూసింది

వసంతకాలం వచ్చింది  వలపుల దొంతర తెచ్చింది

వయ్యారి కన్నెల సరాగాలతో మయూరి నాట్యము చేసింది మయూరి నాట్యం చేసింది.

కూ..ఊ..కూ.ఊ...కూ..ఊయని కోయిల కూసింది

కోయిల కూసింది

కోయిల కూసింది