Suvvi suvvi suvvani సువ్వి సువ్వి సువ్వని

సువ్వి సువ్వి సువ్వని

కేదారగౌళ రాగం , ఆదితాళం

స్వర రచన : శ్రీ రాళ్ళపల్లి అనంత కృష్ణ శర్మ

Audio

సువ్వి సువ్వి సువ్వని

సుదతులు దంచెదరోలాల

వనితలు మనసులు కుందెన చేసిటు

వలపులు తగనించోలాల

కను చూపుల నెడు రోకండ్లను

కన్నెలు దంచెదరోలాల

బంగరు చెరగుల పట్టు పుట్టములు

కొంగులు దూలగనోలాల

అంగనలందరు నతి వేడుకతో

సంగడి దంచెదరోలాల

ఘల్లు ఘల్లుమను కంకణరవముల

పల్లవ  పాణుల వోలాల

అల్లన నడుములు అసియాడుచు

సతులొల్లనె దంచెదరోలాల

కప్పుర గంధులు కమ్మని పువ్వుల

చప్పరములలో నోలాల

తెప్పలుగా రతి తేలుచు

కోనేటప్పని పాడెదరోలాల