Chendataladinchare చెండాటలాడించరే

చెండాటలాడించరే

పెళ్ళి పాటలు ,పాన్పు పాట

రాగం : బహుధారి ,  ఆదితాళం

గానం : శ్రీమతి మొక్కరాల కామేశ్వరిగారు

Audio

పల్లవి :

చెండాటలాడించరే పూల చెండాటలాడించరే

లీలా వినోదముగ చెలులందరూ గూడి

పద్మావతీ శ్రీనివాసులచే / మనజానకీ శ్రీరాములచే

…..చెండాటలాడించరే పూలచెండాటలాడించరే

అనుపల్లవి :

మల్లె మొల్లలు జాజి మరువాము దవనాము

కనకాంబరములతో ఏరి కూర్చిన పూల

….చెండాటలాడించరే పూలచెండాటలాడించరే

చరణం :

సిరిమల్లె పూదండ సిరిపైన విసరంగ

మొలకా నవ్వుల ముద్దు మోముగల మాతల్లి

అవలీలగా బట్టి విభునిపై విసరంగ

..చెండాటలాడించరే పూలచెండాటలాడించరే

కోటిపడగాలెత్తు కోనేటిరాయాడు

కొంటె తనముగా పూల చెండూను విసరంగ

అందాల మాతల్లి అలమేలుమంగ / మాలక్ష్మీదేవి

అలవోకగా పట్టి విభునిపై విసరంగ ….చెండాటలాడించరే పూలచెండాటలాడించరే.

సరస మెరిగినవాడు సప్తాగిరీశుడు / శ్రీరామచంద్రుడు

సంపెంగి పూదండ సిరిపైన విసరంగ

విభుని సరసామెరిగి అలమేలు మంగ / చిరునగవుతో సీత

సరసాముగా బట్టి విభునిపై విసరంగ

….చెండాటలాడించరే పూల చెండాటలాడించరే

లీలా వినోదముగ చెలులందరూ గూడి

పద్మావతీ శ్రీనివాసులచే…..చెండాటలాడించరే పూలచెండాటలాడించరే ….3