Vande mangalakarini వందే మంగళకారిణి

వందే మంగళకారిణి

మధ్యమావతి రాగం , ఏకతాళం

గానం : శ్రీమతి మొక్కరాల కామేశ్వరిగారు

( అమ్మవారి పాటలు )

Audio

వందే మంగళకారిణి

వర్ణాలంకృత రాగిణి

చిన్ముద్రాంకిత హాసిని

శ్రీదుర్గే నమోస్తుతే

నమోస్తుతే నమోస్తుతే శ్రీదుర్గే నమోస్తుతే

భవభయరోగ హారిణి

ఆనందామృత దాయిని

కృపాకరి కాత్యాయని

శ్రీదుర్గే నమోస్తుతే

నమోస్తుతే నమోస్తుతే శ్రీదుర్గే నమోస్తుతే

పదకవితా ప్రసాదిని

సప్తస్వర విరాజిని

నాద లయాత్మక రూపిణి

శ్రీదుర్గే నమోస్తుతే

నమోస్తుతే నమోస్తుతే శ్రీదుర్గే నమోస్తుతే

మహాశక్తి స్వరూపిణి

మాయారూపధారిణి

మారరంజని జననీ

శ్రీదుర్గే నమోస్తుతే

నమోస్తుతే నమోస్తుతే శ్రీదుర్గే నమోస్తుతే

కలికల్మష వినాసిని

బహుబాధా నివారిణి

సకల సౌభాగ్యదాయిని

శ్రీదుర్గే నమోస్తుతే

నమోస్తుతే నమోస్తుతే శ్రీదుర్గే నమోస్తుతే

రత్నఖచిత సింహాసిని

స్వర్ణాభరణ విభూషిణి

ఇంద్రకీలాద్రి వాసిని

శ్రీదుర్గే నమోస్తుతే

నమోస్తుతే నమోస్తుతే శ్రీదుర్గే నమోస్తుతే

నమోస్తుతే నమోస్తుతే శ్రీదుర్గే నమోస్తుతే శ్రీదుర్గే నమోస్తుతే….శ్రీదుర్గే నమోస్తుతే

Kaveri Ranga Ranga కావేరి రంగ రంగా

కావేరి రంగ రంగా

రాగం : ఆనందభైరవి , తాళం : ఖండచాపు

గానం : శ్రీమతి మొక్కరాల కామేశ్వరిగారు 

(చిన్ని క్రిష్ణుని పాటలు)

Audio

పల్లవి :

కావేరి రంగ రంగ

నాయన్న కస్తూరి రంగ రంగ

దేవేరి యైన నీతో

నామనవి తెలిపి రక్షింప లేదా

చరణం :

సగము పోయిన ప్రాణము

నాస్వామి తగని దారుణ భారము

అడుగిడగనే నేరము

నాతండ్రి అభయ మిడి కాపాడుము

….కావేరి రంగ రంగ….

వైకుంఠ నగరి విడిచి

లోకాల నెల్ల కడచి

నాకంటి నీరు తుడిచి

చల్లగా సాకగా ఇటు వస్తివే

….కావేరి రంగ రంగ….

ఏలాటి కరుణ నీది

నాయన్న నీలాటి దైవమేది

నాబోటి దీన యేది

నాతండ్రి యీపాటికైన రావే….3

Nela moodu sobhanalu నెల మూడు శోభనాలు

నెల మూడు శోభనాలు

రాగం : మధ్యమావతి , తాళం :ఏకతాళం

అన్నమయ్య సంకీర్తన(లక్ష్మీదేవి పాటలు)

గానం : శ్రీమతి మొక్కరాల కామేశ్వరీగారు

Audio

పల్లవి :

నెల మూడు శోభనాలు నీకు అతనికేతగును

కలకాలము నిచ్చ కళ్యామమ్మా

కళ్యాణమమ్మా - కళ్యాణమమ్మా...2

చరణం :

రామనామమతనిది రామవు నీవైతేను

చామన వర్ణమతడు చామవు నీవు

వామనుడందురతని వామనయనవు నీవు

ప్రేమపు మీ ఇద్దరికి పేరు బలము ఒకటే

….కళ్యాణమమ్మా - కళ్యాణమమ్మా...2

హరిపేరాతనికి హరిణేక్షణవు నీవు

కరిగాచే తాను నీవు కరియానవు

సరి జలధిశాయి జలధి కన్యవు నీవు

బెరసి మీయిద్దరికి పేరు బలము ఒకటే

…..కళ్యాణమమ్మా - కళ్యాణమమ్మా...2

జలజనాభుడతడు జలజముఖివి నీవు

అలమేలు మంగవు నిన్నెలమె తాను

ఇలలో శ్రీవేంకటేశుడిటు నిన్ను ఉరాన మోసె

పిలిచి పేరు చెప్పె పేరు బలము ఒకటే

కళ్యాణమమ్మా - కళ్యాణమమ్మా...2

…..నెల మూడు శోభనాలు నీకు అతనికేతగును

కలకాలము నిచ్చ కళ్యాణమమ్మా

కళ్యాణమమ్మా - కళ్యాణమమ్మా...3

Adedu bhuvanala ఏడేడు భువనాల

ఏడేడు భువనాల

రాగం : మధ్యమావతి , తాళం : ఏకతాళం

గానం : శ్రీమతి మొక్కరాల కామేశ్వరిగారు

 ( లక్ష్మీదేవి పాటలు)

Audioపల్లవి :

ఏడేడు భువనాల కులుకులలరు మాసిరివే…

ఏడేడు భువనాల కులుకులలరు మాసిరివే

కలకాలము మమ్ము కరుణించరావే

మహలక్ష్మీరావే మమ్మేలుకోవే...2

చరణం :

కమల సంజాత నీవు కమలవు నీవైతేను

కమలనాభ దేవివైన అమలవు నీవు

ఆమని విమలపురము కమల నయనవు నీవు

కమలాల కొలువైన మాలక్ష్మీ నీవు

…..మహలక్ష్మీరావే మమ్మేలుకోవే…..2

సాగర సాందీపి నీవు శివానందలహరి నీవు

అంబుజమందు వెలసె సింధుజ నీవు

శశికాంతు తోడబుట్టి అవనిలోన మెట్టి నీవు

నట్టింటిలోన వెలసి నాట్యాలు చేయవమ్మ

...మహలక్ష్మీరావే మమ్మేలుకోవే .....2

శృంగార రూపిణివి సౌందర్యలహరి నీవు

సిరిరాజ వాహినివి మదనుని జనని

మమ్మేల మహి వెలసిన శ్రీమహాలక్ష్మీ నీవు

మమ్మాదరించవే మాలక్ష్మీ నీవే

మహలక్ష్మీరావే మమ్మేలుకోవే….2

మమ్మేలుకోవే..మమ్మేలుకోవే...