Paramá purushudu పరమపురుషుడు

పరమపురుషుడు

రాగం : మోహన , తాళం : ఆది

అన్నమయ్య సంకీర్తన (చిన్ని క్రిష్ణుని పాటలు)

గానం : శ్రీమతి మొక్కరాల కామేశ్వరిగారు

పల్లవి :

పరమపురుషుడు గోపాలబాలుడైనాడు

మురహరుడు ఎదుటా ముద్దుగారే నిదివో

….పరమపురుషుడు….

చరణం :

వేదపురాణములలో విహరించే దేవుడు

ఆదిమూలమైనట్టి అలబ్రహ్మము

శ్రీదేవి పాలిట చెలగే నిధానము

సేద దీరి యశోదకు శిశువాయెనిదివో

….పరమపురుషుడు…..

మొక్కేటి నారదాదుల ముందరి సాకారము

అక్కజపు జీవులలో అంతర్యామి

గ్రక్కన బ్రహ్మకొడుకుగా (క)గన్నపరమము

అక్కరతో వెన్నముచ్చై ఆటలాడినిదివో

…...పరమపురుషుడు…..

దేవతలగాచుటకు దిక్కైన విష్ణుడు

భావములు ఒక్కరూపైన భావతత్వము

శ్రీవేంకటాద్రి మీద చేరియున్న ఆవరదుడు

కైవసమై గొల్లెతల కౌగిళ్ళ నిదివో

…..పరమపురుషుడు గోపాలబాలుడైనాడు

మురహరుడు ఎదుటా ముద్దుగారే నిదివో ….పరమపురుషుడు….